اليوم ده بيكون فرصة اننا نشكر كل المتبرعين بالدم اللى ساهموا بشكل فعال فى انقاذ حياة ملايين من الناس فى كل أنحاء العالم..

و كمان بيكون اليوم دة فرصة اننا نرفع وعى الناس حول العالم عن أهمية التبرع بالدم ..

كل سنة منظمة الصحة العالمية WHO بتطلق شعار جديد للاحتفال باليوم العالمى للمتبرعين بالدم World blood donor day..

الشعار لسنة ٢٠٢٢ هو "التبرع بالدم هو عمل تضامنى، انضم الينا و انقذ حياة "

„Donating blood is an act of solidarity, join the effort and save lives“

و فى اليوم العالمى للمتبرعين بالدم احنا حابين نشكر كل المتبرعين بالدم اللى ساهموا فى انقاذ حياة مرضى الأورام .. و بندعوكم للانضمام لينا فى حملة للتبرع بالدم بمركز أورام المنصورة .. هنكون فى انتظاركم يوم الثلاثاء ١٤ يونيو فى الدور الأرضى فى غرفة التبرع بالدم..