زيارة فريق عيش للناس رقم 27 لمركز الأورام بالمنصورة

زيارة فريق عيش للناس رقم 27 لمركز الأورام بالمنصورة..
بصوا بقى.. الزياره دي هتكون غير أي زياره فاتت... المره دي الزياره هتكون بالتعاون مع مطعم Jamming (الدور التاني في مركب بيراميزا) وهيكون معانا الشيف المصري القبرصي المتميز محمد جلال..وطبعا بالتنسيق مع إدارة مركز الأورام المتميزه

هنعمل ايه؟؟
هنطبخ :D

هنروح ونجهز الغدا للأطفال بنفسنا مع الشيف، أكل صحي أولا ولذيذ ثانيا وشكله حلو يفتح نفس الأطفال ثالثا :)
هنجهز المشويات ونزين الأطباق ونعمل أشكال بالفواكه.. والأطفال هتزين أطباقها معانا بنفسهم..

كمان هنتعرف من الشيف محمد جلال على طرق حماية الأكل من الميكروبات وازاي يكون كلنا في بيوتنا أكلنا صحي ومفيد ولذيذ :)

- العلاج الكيماوي بيخلي المريض مش عنده نفسه وفي نفس الوقت بيتعبه جدا بدنيا وبيزود حاجته للتغذيه... أننا نقدر نخليهم ياكلوا فدي حاجه حلوه ومهمه أوي :)

معادنا يوم الإثنين 2 مارس في استقبال مركز الأورام بشارع جيهان...للاستعلام 01002880651... الدعوه عامه :D

لو حابب تساعد معانا في توفير احتياجات الزياره هنكون محتاجين غير الأكل لـ:
1- عسل نحل (برطامانات صغيره ربع كيلو)
2- فواكه وأغذيه مفيده للمناعه (كيوي، موز، زبيب)
3- عصائر
4- بسكوت (بدون شيكولاته)
5- بامبرز (مقاسات 3،4،5)
6- لعب للأطفال (من 25 ل 40 طفل)
 

Adidas Crazy Light
ткани для вышивания